• Uncategorised

ಹುಲಿ ಉಗುರು ವಿಚಾರಕ್ಕೆ ರೊಚ್ಚಿಗೆದ್ದ ಜಗ್ಗೇಶ್, ಯಾಕೆ ಏನಾಯಿತು ಗೊತ್ತಾ

ಹುಲಿ ಉಗುರಿಗಾಗಿ ಮನೆ ಶೋಧ ನಡೆಸಿದ ಅರಣ್ಯಾಧಿಕಾರಿಗಳ ಕ್ರಮ ಕಾನೂನುಬಾಹಿರ ಎಂದು ಘೋಷಿಸುವಂತೆ ನಟ, ರಾಜ್ಯಸಭಾ ಸದಸ್ಯ ಜಗ್ಗೇಶ್‌ ಅವರು ಹೈಕೋರ್ಟ್‌ ಮೊರೆ ಹೋಗಿದ್ದಾರೆ. ಮತ್ತೊಮ್ಮೆ ತಾವು ಎಲ್ಲರಂತಲ್ಲ ಎಂದು ಸಾಬೀತು ಪಡಿಸಿದ್ದಾರೆ.
ಹುಲಿ ಉಗುರಿಗಾಗಿ ಮನೆ ಶೋಧ ಹಿನ್ನೆಲೆ ಅರಣ್ಯಾಧಿಕಾರಿಗಳ ಕ್ರಮ ಪ್ರಶ್ನಿಸಿ ರಾಜ್ಯ ಸಭಾ ಸದಸ್ಯ, ನಟ ಜಗ್ಗೇಶ್ ಹೈಕೋರ್ಟ್ ಮೊರೆ ಹೋಗಿದ್ದಾರೆ.

ಅರಣ್ಯಾಧಿಕಾರಿಗಳ ಕ್ರಮ ಕಾನೂನುಬಾಹಿರವೆಂದು ಘೋಷಿಸುವಂತೆ ಮನವಿಸಲ್ಲಿದ್ದಾರೆ. ಅಲ್ಲದೆ ತಮಗೆ ನೀಡಿರುವ ನೋಟಿಸ್ ರದ್ದುಪಡಿಸುವಂತೆ ಕೋರಿದ್ದಾರೆ.
ಇನ್ನು ನೋಟಿಸ್‌ಗೆ ಉತ್ತರಿಸುವ ಮೊದಲೇ 14 ಅಧಿಕಾರಿಗಳು ಮನೆ ಮೇಲೆ ದಾಳಿ ನಡೆಸಿದ್ದಾರೆ. ಪೂರ್ತಿ ಮನೆಯಲ್ಲಿನ ವಸ್ತುಗಳನ್ನು ಚೆಲ್ಲಾಪಿಲ್ಲಿ ಮಾಡಿದ್ದಾರೆ. ಸಂದರ್ಶನದಲ್ಲಿ ಹೇಳಿದ ಮಾತನ್ನಾಧರಿಸಿ ತೇಜೋವಧೆ ಮಾಡಲಾಗಿದೆ.

ಎಲ್ಲಾ ಆರೋಪಗಳು ಸುಳ್ಳೆಂದು ಸ್ಪಷ್ಟನೆ ನೀಡಿದ್ದಾರೆ ಎಂದು ಅರ್ಜಿಯಲ್ಲಿ ನಟ ಜಗ್ಗೇಶ್ ಪರ ವಕೀಲರು ಉಲ್ಲೇಖಿಸಿದ್ದಾರೆ. ಇನ್ನು ಬಿಗ್‌ ಬಾಸ್‌ ಸ್ಪರ್ಧಿ ವರ್ತೂರ್‌ ಸಂತೋಷ್‌ ಬಂಧನದಿಂದ ಪ್ರಾರಂಭವಾದ ಹುಲಿ ಉಗುರಿನ ಪ್ರಕರಣ ಸಧ್ಯ ಜಗ್ಗೇಶ್‌ಗೆ ಮುಳುವಾಗಿದೆ. ಸೋಷಿಯಲ್‌ ಮೀಡಿಯಾದಲ್ಲಿ ಸ್ವತಃ ತಾವು ಧರಿಸಿದ್ದ ಪೆಂಡೆಂಟ್‌ ಹುಲಿ ಉಗುರಿನದ್ದು, ಹುಲಿಯಂತೆ ಇರು ಅಂತ ಅವರ ಅಜ್ಜಿ ನೀಡಿದ್ದಾಗಿ ಸ್ವತಃ ಜಗ್ಗೇಶ್‌ ಹೇಳಿಕೊಂಡಿದ್ದರು.

ಇನ್ನು ನಿನ್ನೆ ನಾಲ್ಕು ತಂಡವಾಗಿ ಅರಣ್ಯಾಧಿಕಾರಿಗಳು ಹುಲಿ ಉಗುರಿಗಾಗಿ ಶೋಧ ಕಾರ್ಯ ನಡೆಸಿದ್ದರು. ದರ್ಶನ್‌, ಜಗ್ಗೇಶ್‌, ನಿಖಿಲ್‌ ಕುಮಾರಸ್ವಾಮಿ, ರಾಕ್‌ಲೈನ್‌ ವೆಂಕಟೇಶ್‌ ಮನೆಯಲ್ಲಿ ಸರ್ಚ್‌ ಮಾಡಿದ್ದರು. ಡಿಬಾಸ್‌ ಮನೆಯಲ್ಲಿ 8 ಹುಲಿ ಉಗುರು ಪೆಂಡೆಂಟ್‌ ಪತ್ತೆಯಾಗಿದ್ದು, ಅವು ನಕಲಿ ಎಂದು ಹೇಳಲಾಗಿದೆ. ಸಧ್ಯ ರಾಜ್ಯಸಭಾ ಸದಸ್ಯ ಜಗ್ಗೇಶ್‌ ಮೇಲೆ ನೆಟ್ಟಿಗರು ಕೆಂಡ ಕಾರುತ್ತಿದ್ದಾರೆ.

ತಾವಾಗಿಯೇ ಅದು ಹುಲಿ ಉಗುರು ಎಂದು ಕೇಳಿಕೊಂಡಿದ್ದರು ಅವರನ್ನು ಇದೂವರೆಗೂ ಬಂಧಿಸಿಲ್ಲ, ಇದು ಜನಸಾಮಾನ್ಯರಿಗೂ ಮತ್ತು ಸೆಲೆಬ್ರೆಟಿಗಳಿಗೂ ಇರುವ ಕಾನೂನಿಯ ವ್ಯತ್ಯಾಸ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.

You may also like...